Тываның сайгарлыкчылары 2021 чылда регионнуң деткимче фондузундан 137 млн рубльди алган

21.03.2022 Тываның сайгарлыкчы чорук деткиир фондузу 2021 чылда ажылын илеткээн. Тываның Баштыңы Владислав Ховалыгның республиканың экономиктиг хөгжүлде яамызының коллегия хуралында түңнелдерни үндүрген.
2021 чылда 137,7 млн рубль ниити түңнүг 187 чээлини бергенин, фонд дыңнаткан. Үш сайгарлыкчының ийизинге-ле деткимчени берген. 632 сайгарлыкчының аңгы-аңгы айтырыгларынга тайылбырлыг деткимчени көргүскен. Сайгарлыкчыларны деткиириниң – чээлини соңгаарладып төлээри, чээли хуузун үндүр бижиири дээн ышкаш, чаа аргаларны фонд ажыглап турар. 2022 чылдың эгезинден бээр дуза дилээн 162 билдириишкин кирген, ооң 100-ү кредит дыштанылгазының дугайында”.
Бодунуң ажыл-херээн ажыдып алыр дээн 304 кижиге база биче болгаш ортумак сайгарлыкчы чоруктуң 458 субъектизинге саң-хөөге хамаарышпас ачы-дузаны көргүскен. Сайгарлыкчылар шуулганы, төлевилелдер мөөрейи дээн ышкаш, 8 улуг хемчегни фондунуң инициативазы база киржилгези-биле эрттирген.
ИТ-коворкинг төвүн ажыдары – 2022 чылда мурнады боттандырар бир кол угланыышкын. Төптүң оран-савазын септеп эгелээн, коворкингиниң дизайнын болгаш концепциязын ажылдап кылган, төптүң ажыл-чорудулгазының угланыышкыннар аайы-биле шиитпирлерин дилеп турар.