Тываның найысылалынга Ада-чурт камгалакчызының хүнүнге тураскааткан митинг болуп эрткен

23.02.2022 Февраль 23-те, Ада-чурт камгалакчызының хүнүнде, Кызылдың Тиилелге шөлүнге Ада-чурттуң Улуг дайынының маадырларынга тураскаалга чечектер салыр езулал болуп эрткен. Тыва Чазактың кежигүннери, ТР-ниң Дээди Хуралының (парламент), “Чаңгыс демниг Россия” политиктиг партияның кежигүннери, Кызылдың Төлээлекчилер хуралының депутаттары,болгаш өскелер-даа езулалга киржип, тулчуушкун шөлдеринге мөчээн маадырларынга тураскаалдың баарынга мөгейип, кажыыдалдың минутазын чарлап, Мөңге отка боодал чечектерни салган. Хемчегни шупту санитарлыг негелдерни сагып тургаш эрттирген.