Уруглар пособиелериниң хемчээлин 2022 чылдың февраль 1-ден өстүрген

06.02.2022 РФ-тиң социал камгаладылга фондузунуң Тыва Республикада регион салбырының дыңнатканы-биле алырга, 2022 чылдың февраль 1-ден уруглар пособиелериниң хемчээли өскен: - уруг төрүттүнгенде чаңгыс удаа бээр пособие район хуузу-биле катай санаарга – 28661,88 рубль; - уруг азырап олурарынга пособиениң кудуку хемчээли район хуузу-биле катай – 10748,93 рубль. Пособиелерниң түңүн район хуузу - 40 хуу-биле санааны ол. Тожу, Мөңгүн-Тайга кожууннарда база Кызыл кожууннуң Шынаа көдээ чагырга девискээринде чурттап турар республиканың чурттакчы чонунга пособиелерни 50 хуу район хуузу-биле санаар. Билдинмес чүүлдер азы немелде тайылбыр алыр дизе, РФ-тиң социал камгаладылга фондузунуң Тыва Республикада регион салбырының дараазында телефонунче долгаар: 8 (394) 229-71-80, азы Хаматылар-биле кады ажылдажылганың чаңгыс аай контакт-төвү: 8 (800) 600-00-00.