Тывада элээдилерни тарыыр «Спутник – М» вакцинаның баштайгы кезээ келген
26.01.2022
Бо чоокку хүннерде, элээдилерни тарыыр «Спутник – М» вакцинаның баштайгы кезээ Тывага келир. Вакцина саны кызыгаарлыг болганындан, чүгле 480 кезек эм келир болгаш эң-не хөй уруглар аарып турар кожууннарга ону үлээр. Шак ындыг черлерге Кызыл хоорай база Кызыл кожуун хамааржыр. Регионнуң оперативтиг штавы-биле дугуржулга езугаар, Тываның Кадык камгалал яамызы биле Өөредилге яамызы кымга, канчаар салырын шиитпирлээр.
Эрткен неделяда Россияның он региону: Ямал-Ненец автономнуг округ, Курск область, Ленинград область база Санкт-Петербург, ол ышкаш Свердловск, Иркутск, Оренбург, Сахалин, Магадан, Псков областар, Хабаровск край элээдилерни тарыыр баштайгы вакцинаны алганнар.
12 хардан 17 хар чедир назылыг элээдилерни "Гам-Ковид-Вак-М"-биле ("Спутник М") тарыыры көрдүнген. Тарылганы ада-иениң азы хоойлу езугаар төлээзиниң чөпшээрели-биле салыр.
Возврат к списку
|