Тываның Хамааты камгалал база онза байдалдар албанының чаа удуртукчузун томуйлаан

18.01.2022 Сергек Шактарны ында томуйлаан. Ооң мурнунда Тыва Республиканың Хамааты камгалал болгаш онза байдалдар албанын Андрей Сат түр када удурткан. Ведомствону элээн каш чылдарда удурткан Аяс Сарыглар 2021 чылдың декабрьда халашканын сагындыраал. Шактар Сергек Сандыкович 1967 чылда Тыва АССР-ниң Эрзин кожууннуң Сарыг-Булуң деп черге төрүттүнген. Бодунуң күш-ажылчы оруун 1985 чылда Тес-Хемниң кожуун эмнелгезинге бызаңчы бооп эгелээн. 1985 чылда шериг албанынче аъттангаш, Афганистан Республиканың Газни провинцияга танк командирлээн. 1987–1991 чылдарда - Свердловскиниң дээди шериг-политиктиг танк-артиллерия училищезиниң курсантызы. Курлавырда полковник. 2009–2012 чылдарда – Эрзин кожуун чагыргазының даргазы. Тыва Республиканың Администрациязының база Аппарадының килдис начальнигиниң оралакчызы, «Чаңгыс демниг Россия» партияның Тывада регион салбырының күүсекчи комитединиң удуртукчузу. 2014 чылда «Чаңгыс демниг Россия» партиядан ТР-ниң Дээди Хуралының (парламент) депутадында соңгуткан. «Дайынчы ачы-хавыяа», «РФ-тиң күрүне кызыгаарын камгалаарынга шылгарал», «Шериг албанынга шылгарал» - 1, 2, 3 чаданың, Афганистанның аныяктарының демократтыг организациязының төп комитединиң «Дайынчы эрес-дидим чоруу дээш» медальдарның база өске-даа шаңналдарның эдилекчизи