Тыва Республиканың Баштыңының администрациязы - Чазак даргазының аппарадының чаа удуртукчузун томуйлаан

10.01.2022 Тываның көскү күрүне болгаш хөй-ниити ажылдакчызы Юрий Ананьин ол албан-дужаалда томуйлаткан. Муниципалдыг болгаш регион деңнелдиг удуртулга ажылында улуг арга-дуржулгалыг, Кызыл хоорайның Төлээлекчилер Хуралының депутады база Тыва Республиканың Хөй-ниити палатазының даргазының оралакчызы тургаш, республиканың хөй-ниити амыдыралынга идепкейжи киришкен.
Ананьин Юрий Юрьевич 1965 чылдың апрель 30-де Тыва АССР-ниң Кызыл хоорайга төрүттүнген. Кызылдың педагога институдун, Сибирьниң күрүне албанының академиязынга «күрүне болгаш муниципалдыг эргелеп-башкарылга» мергежилин дооскан. «Амгы үеде 1-ги класстың муниципалдыг чөвүлекчизи» (2002 ч.), Тыва Республиканың 3-кү класстың күрүне чөвүлекчизи дужаалдарлыг.
ВЛКСМ обкомунуң сектор, килдис эргелекчизи, Тываның Аныяктар эвилелиниң даргазы, Тыва Республиканың Аныяктар херектериниң талазы-биле сайыттың бирги оралакчызы, Тыва Республиканың чоннуң Дээди Хуралының (съезд) секретары, Тыва Республиканың Аппарат удуртукчузу – сайыды, Тыва Республиканың Баштыңы - Чазак даргазының чөвүлекчизи бооп аңгы-аңгы чылдарда ажылдаан. Кызыл кожууннуң Каа-Хем суурнуң чагырга даргазынга база ажылдаан. Чаа албан-дужаалга томуйладыр мурнунда, Тыва Республиканың Хөй-ниити палатазының даргазын оралакчылаан база Хөй-ниити палатазының аппарадын удурткан.
«Россияның патриоттары» политиктиг партияның Тывада регион салбырының комитет даргазы. Кызыл хоорайның Төлээлекчилер хуралының депутадынга үш удаа соңгуткан. Күш-ажылдың хоочуну, Тыва Республиканың юбилейлиг медальдарының, «РФ ИХЯ 200 чылы» медальдың эдилекчизи.
Өг-бүлелиг, ийи кыстыг.