Регионну хөгжүдер тускай программаның боттандырылгазынче Тыва 1,7 млрд руб. инвестицияны хаара туткан

29.11.2021 Экономиктиг хөгжүлде сайыдының оралакчызы Сергей Галкин журналистер-биле брифинг үезинде ону дыңнаткан.
«Элээн берге экономиктиг байдалдыг 10 регионну деткиир талазы-биле ол ажыл 2020 чылда эгелээн. Ковид база ооң-биле холбашкан кызыгаарлаашкыннар турзажок, программа чорудуу-биле регионнар 8 муң хире ажылчын олуттарны тургузуп, 21,6 млрд рубль инвестицияларны хаара туткан» - деп, Сергей Галкин дыңнаткан.
Псков облазы 7,6 млрд руб. инвестицияны ажыглаан, ооң иштинде «Моглино - 2» онза экономиктиг зона полимер бүдүрүлгезин ажыдарынга 6,2 млрд рубль инвестицияны хаара тутканын сайыттың оралакчызы демдеглээн. Карелия ыяш дилиндектээрин күштелдирерин модернизастаар инвестиция төлевилелин боттандырып турар. Тыва бойдустуң ажыктыг байлактарын казып-тывар төлевилелинче 1,7 млрд рубль инвестицияны хаара туткан.
Оон аңгыда Экономиктиг хөгжүлде яамызы регионнар-биле кады, 2022-2026 чылдарда Мордовия база Астрахань облазының социал-экономиктиг хөгжүлде программаларын белеткээн. Программаларны боттандырарынга чылдың-на 1 млрд рубльди аңгылаары бюджетте көрдүнген.
Экономиктиг хөгжүлде яамызының парлалга албанының медээзи.