Тывада «Енисей» Р-257 оруктуң беш километринде капитал септелгени хуусаадан эрте дооскан

28.10.2021 Республиканың Өвүр кожуунда «Енисей» Р-257 федералдыг оруктуң 1041-ден 1046 километрлер аразында орук участогун хуусадан эрте септеп доосканын, «Енисей» орук эргелели дыңнаткан.
Бо чылын Тываның девискээринде ам-даа 10 км автомобиль оруун база 100 дилиндек метр ажыг ниити шөйлү берген үш көвүрүгнү таарымчалыг байдалче киир септээр. «Енисей» Р-257 федералдыг оруктуң 1041-ден 1046 километрлер аразында орук участогунуң капитал септелгезин элээн каш чадага чоруткан.
2020 чылда 5 км орук септээр планны, шалыпкын чорудуп, кылдынган баштайгы 15 километрни ажыглалче киирген. Бо чылын специалистер арткан ажылды хуусаадан 2 ай мурнай дооскан.
Оруктуң шывыын бүрүнү-биле солуп, суг эрттирер 9 хоорзаларны, орук кыдыын быжыглап, асфальт-бетондан калбак чадыгларны чадып, капитал септелгени кылган. Оон аңгыда комплекстиг чаагайжыдылга ажылдарын кылып, 30 орук демдектерин, 440 медээ чагыларын, 2 км хире камгалалдарны тургусканын специалистер дыңнаткан.