Моолдуң, Тываның база Алтайның кызыгаар девискээрлеринде аргарның баш саны өскени демдеглеттинген

27.10.2021 Бүгү делегейниң черлик бойдус камгалаар фондузу – Россияның WWF деткимчези-биле 2021 чылдың октябрь 9-тан 24-ке чедир Тываның Мөңгүн-Тайга кожуунунда “Убсу-Нур ыйгылаажы” заповедниктиң кластерлиг участогунуң камгалалдыг зоназының кызыгаар девискээрлеринге бүгү делегейниң черлик бойдус камгалаар фондузунуң деткиишкини-биле, аргарларны санап демдеглээриниң ээлчеглиг чадазын чоруткан. Бо чылын “Убсу-нур ыйгылаажы” заповедникке база “Тыва” бойдус парыгынга шупту 7 кижиден тургустунган ажылчын бөлүк саналда ажылын чоруткан. Санаашкын үезинде 249 аргарны бүрүткээн. Ол-ла девискээрке 134 баш те, тос баш хүлбүс, беш баш бөрү база бир баш ирбиске таварышкан. Моолдуң, Тываның база Алтайның кызыгаар девискээрлеринде аргарның баш саны немежип өскенин санаашкын кылып турган ажылдакчылар демдеглээн.