Тываның чурттакчылары ажылдавас хүннерде Covid-19-тан тарыдып болур

29.10.2021 Тываның Кадык камгалал яамызы октябрь 30-ден ноябрь 7-ге чедир, республика найысылалынга база кожууннарга коронавируска удур тарылга кылыр пунктуларны немей ажыдар. Тываның Баштыңы Владислав Ховалыг кандыг-бир чылдагаан-биле тарыдып четтикпээн кижилер бар болза, хостуг үени ажыглап, тарыдып алырынче кыйгырган. Чурттакчы чон октябрьның 30 – ноябрь 7 хүннеринде, бо адрестерге баргаш, коронавирус халдывырынга база гриппке удур тарыдып ап болурун Кадык камгалал яамызы дыңнаткан: - «5 сылдыс» садыг төвү, 9.00 - 18.00 шактарда, дүштеки чапсар - 13.00 -14.00 шакта; - «Курай-Курай» садыг төвү, 9.00 - 18.00 шактарда, дүштеки чапсар - 13.00 -14.00 шакта; - «Восток» рыногу, 9.00 - 18.00 шактарда, дүштеки чапсар - 13.00 -14.00 шакта; - «Гаруда» садыг төвү, 9.00 - 18.00 шактарда, дүштеки чапсар - 13.00 -14.00 шакта; - «Ол чарык» микрорайоннуң эмчи амбулаториязы, 9.00 - 17.00 шактарда, дүштеки чапсар - 13.00 -14.00 шакта; - «Сукпак» суурда эмчи амбулаториязы (Салчак Тока, 33), 9.00 - 17.00 шактарда, дүштеки чапсар - 13.00 -14.00 шакта; - «Спутник» микрорайоннуң эмчи амбулаториязы (1 мкр. МЖК 3), 9.00 - 17.00 шактарда, дүштеки чапсар - 13.00 -14.00 шакта; - Солагай талакы дачалар ниитилежилгезиниң эмчи амбулаториязы (Енисейская, 43 ), 9.00 - 17.00 шактарда, дүштеки чапсар - 13.00 -14.00 шакта. Оон аңгыда, ноябрь 2, 4 база 6 хүннеринде 9.00 шактан 16.00 шакка чедир Кызылдың база кожууннарның төп эмнелгелериниң уруглар болгаш улуг кижилер поликлиникаларының участок терапеви, акушер-гинеколог эмчилер хүлээп алыышкынны чорудар. А педатр эмчилер ноябрь 1, 2, 4, 6 хүннеринде ажылдап, 9.00-16.00 шактарда уругларны хүлээр. Бир эвес хүлээп алыышкында кээр аарыг кижилерниң саны көвүдээр болза, планныг хүлээп алыышкынга немелде кабинеттерни ажыдар. Соңгаарладып болбас эмчи дузазының албаны октябрь 30-де, ноябрь 1-6 хүннеринде 9.00 шактан 16.00 шакка чедир ажылдаар.