Россияның Юристер ассоциациязының кежигүннери Өвүр кожууннуң чурттакчыларынга халас юридиктиг дузаны чедирер

08.10.2021 2021 чылдың октябрьның 9-10 хүннеринде, Россияның Юристер ассоциациязының Тывада салбырының кежигүннери Өвүр кожууннуң Дус-Даг, Чаа-Суур, Ак-Чыраа сумуларының чурттакчыларынга халас консультацияларны бээр. Муниципалдыг кожуун база суму чагырга бажыңнарынга юридиктиг ачы-дуза чедирилгезин организастаар.
Президент грантызының фондузунуң база «Pro bono» халас юридиктиктиг дуза кадар мобильдиг бригада” грант деткимчези-биле ассоциация кежигүнери, республиканың Юстиция яамызы кады, үнүүшкүннүг ачы-дузаны чорудар.