Тываның Баштыңының администрация база чазак аппарадының чаа удуртукчузун томуйлаан

05.10.2021 Бөгүн, октябрь 5-те, Тываның Баштыңы Владислав Ховалыг Тыва Республиканың Чазааның Даргазының оралакчызы – Тыва Республиканың Баштыңының Администрация - Тыва Республиканың Чазааның Аппарат удуртукчузу албан-дужаалды күүседир кылдыр Хертек Сергек Сергеевичини томуйлаар дугайында чарлыкка атты салган.
Сергек Хертек – муниципалдыг база регион деңнелинге удуртукчу албан-дужаалдарга ажылдаан улуг арга-дуржулгалыг.
Ооң мурнундагы удуртукчу Айдын Чюдюк албан-дужаалындан эки тура-биле халашкан.
Бо чарлык 2021 чылдың октябрь5-те ат салган хүнден эгелеп күштүг.

Хертек С.С. 1976 чылдың март 20-де Тыва АССР-ниң Тес-Хем районнуң Самагалтай суурга төрүттүнген.
Эртем-билии:
2003 чылда - Санкт-Петербургтуң күрүнениң далай техниктиг университединге «Юриспруденция» мергежилди чедип алган.
Ол-ла 2003 чылда - Күрүнениң поляр академиязынга «Күрүне болгаш муниципалдыг удуртулга» мергежилди алган.
Күш-ажылчы намдары:
07.1994 – 11.1994 ч. - Кызылүлетпүр тудуунуң 2-ги разрядтың бызаңчызы база бетончузу;
11.1994 – 11.1996 ч. - Россия Федерациязының Чепсектиг күштеринге албан хүлээлгези;
12.1996 – 10.1998 ч. - «Тыва тудуг» АН-ның кадрлар килдизиниң инспектору;
 10.1998 – 06.2003 ч. – күрүнениң поляр академиязының студентизи;
10.1999 – 07.2000 ч. - «Хоорайның автостоянкалар база гаражтар төвү» КУБ-туң 1-ги категорияның инспектору;
09.2000 – 07.2001 ч. - «Газаппарат» ААН-ның адыгжызы;
03.2002 – 10.2003 ч. - «Славянский щит» КХН-ниң контролеру;
02.2004 – 03.2004 ч. - Тыва Республиканың Эрзин кожуун прокуратуразының истекчизи;
 04.2004 - 06.2004 ч. - «Өвүрнүң ОТСУ» КУБ-туң начальниги;
07.2004 - 10.2004 ч. - «Защита» болчукчулар коллегиязының адвокаттың стажеру;
10.2004 - 11.2006 ч. - Тыва Республиканың Саң-хөө яамызының юридиктиг килдизиниң консультантызы;
11.2006 - 04.2007 ч. - Тыва Республиканың Саналга палатазының инспектору;
04.2007 - 01.2009 ч. - Тыва Республиканың Саң-хөө яамызының юридиктиг килдизиниң начальниги;
01.2009 - 02.2013 ч. - Кызыл хоорай мэриязының эрге-хоойлу хандырылга эргелелиниң начальниги;
 02.2013 - 02.2017 ч. - Кызыл хоорай мэриниң эрге-хоойлу айтырыглары болгаш корум-чурум профилактиказының талазы-биле оралакчызы - эрге-хоойлу хандырылга эргелелиниң начальниги;
02.2017 - 10.2019 ч. - Чеди-Хөл кожууннуң чагырга даргазы;
12.2019 - 05.2021 ч. - Кызыл хоорайның адвокаттар коллегиязының адвокады;
05.2021 - 10. 2021 ч. - Тыва Республиканың юстиция сайыдының хүлээлгезиниң күүседикчизи.
Бо чылдың октябрьда ТР-ниң Чазак даргазының оралакчызы - ТР-ниң Баштыңының администрациязы – ТР-ниң Чазак аппарадының удуртукчузу албан-дужаалда томуйлаткан.