Тываның күрүне университединиң Кадыкшыл төвүнде COVID-19-ка тарылга пунктузун ажыткан

11.08.2021 Ленин кудумчузунуң 5 дугаар бажыңында, Тываның күрүне университединиң 2-ги корпузунда, коронавируска удур тарыышкын чорудар немелде пунктуну август 10-да ажыткан.
Пункт 10:00 шактан 15:00 чедир ажылдаар, а августуң 16-дан ажыл шагын 17.00 шакка чедир узаткан.
Ында чаңгыс катап салыр «Спутник Лайт» вакцина-биле тарып турар. Тарыдып алыр дизе, паспорт, СНИЛС база тарылгаларын шынзыткан дептержигештиг болуру албан.
Коронавирустап аараан соонда, 6 ай четпээн кижилерге тарылга салбас дээрзин билзе чогуур. Сөөлгү алды айда пневмониялап каапкан кижилер коронавируска антитела шинчилгезин эрткен дугайында бижиктиг болур ужурлуг. Ол ышкаш тарыдарынга чедир ийи неделя бурунгаар ОРВИ-леп турган кижилер ам дээрезинде тарытпааны дээре.
ТываКУ-нуң студентилери, башкылары база ажылдакчылары коронавируска удур эки тура-биле тарыдып турар. Кадыкшыл төвүнүң дыңнадып турары болза, ажылдакчыларның болгаш студентилерниң хөй кезии тарылганы алган.