Владислав Ховалыг Тываның чурттакчылары-биле «Дорт чугааны» эрттирер

09.08.2021 Тываның Баштыңының албан-хүлээлгезин күүседип турар Владислав Ховалыг республиканың чурттакчыларын дүвүреткен айтырыгларга харыылаары-биле, август 15-те «Дорт чугааны» чорудар.
Хамаатылар боттарының айтырыгларын бүгүдеге чедингир мессенджерлер азы социал четкилер, ол ышкаш телефон дамчыштыр салып болур.
Бирги удуртукчунуң чурттакчы чон-биле мындыг хевирлиг ужуражылгазын регионда бир дугаар эрттирери ол. Август 15-тиң 17.00 шакта айтырыгларга харыыларны «Россия-1» база ОТР телеканалдарда дамчыдылгадан көрүп болур.
Бир эвес айтырыг салыксап турар болзуңза, 8-(800)-200-85-04 телефонче халас долгап болур.
Вконтактыда vk.com/internetpriem база инстаграмда nstagram.com/onlinepriem_tuva социал четкилерде база Viber мессенджерде “Тыва Республиканың Баштыңының онлайн-хүлээп алыышкыны” https://clck.ru/WdnB4 бөлүк таварыштыр дыңнадыгны бижип болур силер.
Чаңгыс аай колл-төп айтырыгларны хүлээр. Август 15-те, Владислав Ховалыг «Россия-1» база ОТР телеканалдарга дорт чугаа үезинде, чугула болгаш чидиг айтырыгларга харыыларны бээр.
"Дорт чугаа” чоннуң санал-оналдарын база билдириишкиннерин 2021 чылдың август 15-те база хүлээп алыр.