Артек Тывадан салым-чаяанныг уругларны манап турар

09.08.2021 «Артек» уругларның делегей төвү, 2021 чылдың август 23-тен сентябрь13-ке чедир, «Морская феерия в Артеке» деп Х-гу сменаже уругларны чыырын Тываның Өөредилге болгаш эртем яамызы дыңнаткан. Школачы оолдар, уруглар сменага киржир дизе, МДЦ «Артек» - «Артек.Дети» сайтыга бүрүткедип алыр.
Өөреникчи бодунуң "хуу кабинединге" чедиишкиннерин айыткан бижимелдерни долдуруп, путевкаже чагыгны киирер. Тускай компьютер программазы уруг бүрүзүнүң киржип болур хире  аргазын үнелээр.
Нейроннуг бот-өөредилге четкизин ажыглаар компьютер системазы кордакчының чедиишкиннеринге демдекти салып, түңнелди үндүрер.
Ол болгаш өске-даа темалыг сменага киржиксээн уруглар санындан, сменаже эрте бээриниң түңнелдери регион бүрүзүнде аңгы. Кордакчы бүрүзү киришкени болгаш тиилээни олимпиадаларын болгаш чогаадыкчы мөөрейлерин айтыр. Система кордакчының чедиишкиннерин өөренмишаан, чагыглар рейтингизин үндүрер.
Сменаның тематиказын artek.org албан сайтызының "Жизнь «Артека» – Расписание смен" кезектен таныжып болур.
Уруглар төвүнче уругларның база үдеп чоруур кижилерниң төлевири-биле холбашкан чарыгдардарны, ол ышкаш үдекчиниң чурттаар база чемненир чарыгдалдарын ада-иелер (хоойлу езугаар төлээлери) харыылаар.
Кызыл хоорай, Московская кудумчузу, № 44 бажыңда Тыва Республиканың салым-чаяанныг уругларны база талантылыг аныяктарны илередип, деткиир төп бүгү-российжи төптерже баар уруглар делегациязын хевирлеп, чорудуп турар. Айтырыглар тургустунуп келзе, дараазында телефонче долгаар: 8(394-22)2-70-75 - Чимис Хереловна.