Тываның найысылалында чаа эмчи-диагностика төвү ажыттынарынга белен

06.08.2021 Россияның президентизи Владимир Путинниң даалгазы-биле, Россия Федерациязының Камгалал яамызының тудуп үндүргени, Тываның найысылалында чаа эмчи-диагностика төвү бо чылдың августта ажыттынар.
Камгалал яамызының чурттуң 15 регионнарында, Дагестанда, Хабаровскиде, Пензада, Воронежте болгаш Подольскиде күрүне чагыын күүседип тутканы 16 тускай медицина төптери ышкаш чаңгыс аай дөзевилелдиг медицина төвүн Кызылда туткан.
Нейрофункционалдыг, ультразвук шинчилелдерлиг, манипуляциялыг ректромано- и колоноскопия, манипуляциялыг гастроскопия, шлюзтуг биче кезиишкин кылыр өрээлдерни ында дерээнин, регионнуң Кадык камгалал яамызы дыңнаткан.
Оон аңгыда, рентген, МРТ, ток- база чырык- эмнээшкиннери, физиотерапия, эң бедик частоталыг терапия база электрокардиография кылыр амгы үениң дериг-херекселдерин салган.
Чаа эмчи-диагностика төвү хоорай поликлиниказының салбыры кылдыр ажылдаар болгаш, колдуунда Кызыл хоорайның мурнуу микрорайонунуң чурттакчыларын хүлээр.
Чаа медицина төвүнче ажылдакчылары чыып турарын яамы дыңнаткан. Аңаа тускай мергежилдиг эмчилер, техниктиг персонал негеттинип турар. Ажылга тургустунарының талазы-биле айтырыглар бар болза, Кызылдың хоорай поликлиниказында, 310 кабинеттен айтырар, азы 2-99-88 дугаарлыг телефон таварыштыр харылзажыр.