04.08.2021
Тыва Республиканың «ТЭК4 башкарыкчы компания» күрүнениң унитарлыг бүдүрүлгезинче чылыг хандырылгазының объектилерин үр ажыглалда дамчыдар дугайында чөпшээрежилгелиг дугуржулга езугаар, чылыг энергиязын бүдүргенинге чарыгдалдарны кызырган.
2021 чылдың август 1-ден, Ак-Довурак, Шагаан-Арыг хоорайларның, Хову-Аксы база Чаа-Хөл суурлар чурттакчыларынга шакта чаңгыс гигакалорий дээш ооң мурнундагы тарифти 8 хууга, азы 163,74 рубльга эвээжедип, немелде өртекке үндүрүг-биле кады 1882,92 рубль хемчээлдиг тарифти доктааткан.
Чижээ, үш кижи чурттап турар, 64 дөрбелчин метр шөлдүг, үш өрээл квартираның чылыы база изиг суу дээш, ак-довуракчылар 3899,47 рубльди, ооң мурнундаазындан 332,92 рубль эвээшке төлээр.
«ТЭК4 башкарыкчы компания» ТР-ниң күрүнениң унитарлыг бүдүрүлгези амгы үеде дараазында чуртталга фондузун хандырып турар:
- Ак-Довуракта – шупту 5 984 чурттакчылыг, 46 хөй квартиралыг бажыңнар, 143 хуу бажыңнарны;
- Шагаан-Арыгда – шупту 4 189 чурттакчылыг, 62 хөй квартиралыг бажыңнар, 216 хуу бажыңнарны;
- Чаа-Хөл суурда – 116 чурттакчылыг, 33 хуу бажыңнарны;
- Хову-Аксы суурда — 2 314 чурттакчылыг, 62 хөй квартиралыг бажыңнар, 90 хуу бажыңнарны.