Тывада Гам-Ковид-Вак вакцинаның ээлчеглиг партиязын эккелген

24.07.2021 Тываның Кадык камгалал яамызы, бир хапта-ла 2 доза эм бар, бирги база ийиги тарыышкынга ажыглаар 600 доза вакцина келгенин дыңнаткан. Кызыл хоорайда хереглел улуг болганындан, ону мында тарылга пунктуларынга үлээн. Дараазында вакциналар Россияның Кадык камгалал яамызының үлелдези-биле келир.
Июль 23-түң хүнүнге чедир республикада 81557 кижи тарылганың бирги кезээн салдырган, оларның 14531-и 60 хардан өрү назылыг кижилер. Ийиги тарылганы 59125 кижи алган, оларның санында 60 хардан өрү назылыг 11866 кижи бар. Тарылганы долузу-биле 59125 кижи алган (планның 47,5%). Бүдүрүкчүнүң дыңнатканы-биле алырга, вакцинаның ийиги кезээн салдырткан соонда 21 хонук эрткенда, быжыг иммунитет тургустунар болгаш, чаа коронавируска удур туржур иштики күш тыптыр.
Кызыл зонада ажылдап турар Тываның эмчилери тарылганың ажыктыын бадыткаан. Статистиктиг сан-чурагайдан алырга, тарыткан кижилерниң 0,03% Covid-19-ту чиик хевирге эрте бээр бооп турар. Вакцина вируска удур организмниң туржур күжүн улгаттырып, багай салдарны ажып эрте бээр. Ынчангаш Covid-19-ка удур быжыг иммунитетти тургузар дизе, тарыышкынның долу курузун алыры чугула дээрзин Кадык камгалал яамызы сагындырып тур.