Тываның Аныяктар херектериниң талазы-биле агентилелдиң даргазынга Эртине Кууларны томуйлаан

Ук шиитпирни Тываның  Баштыңының албан-хүлээлгезин түр када күүседип турар Владислав Ховалыг республикада билдингир аныяк идепкейжи кижилерниң  бирээзи – Эртине Куулар-биле ужуражылга соонда хүлээп алган. Будунуң  социал четкилерде арынында Владислав Ховалыг ол дугайын мынча деп бижээн:

- Эртине Кууларны Аныяктар херектериниң талазы-биле агентилелдиң удуртукчузунга томуйладым. Эртине – торээн чериниң салым-хуузу дээш сагыш-сеткили аарып чоруур идепкейжи аныяк кижилерниң бирээзи. Ол бурунгаар корүштуг-дүр, аныяктарның сайзыралынга херек таарымчалыг байдалдарны, бүгү-ле бар аргаларны негеп турар болгаш ол аргаларны боду база тургузарынга белен-дир.

Аныяктар талазы-биле агентилелдиң ажылы аныяктарны ажылга хаарарынче болгаш аныяктар аразынга чончу идпекейжи чорукту сайзырадырынче угланган болур.