Тываның Күш-ажыл болгаш социал политика яамызының чаа удуртукчузун томуйлаан

Күрүне статистиказы федералдыг албанның Красноярск край, Хакас Республика база Тыва Республика талазы-биле эргелелдиң удуртукчузунуң оралакчызы турган Сандан Эдуард Феликсовичини Тыва Республиканың күш-ажыл болгаш социал политика сайыдында томуйлаан. 

Эдуард Феликсович Сандан 1981 чылдың август 31-де Тыва АССР-ниң Тес-Хем районнуң Самагалтай суурга төрүттүнген. Чөөн-Сибирьниң күрүнениң культура болгаш уран чүүл академиязынга «Социал адырның менеджментизи» мергежилди 2004 чылда чедип алган, 2011 чылда – Байкалдың күрүнениң экономика болгаш эрге-хоойлу университединге «Юриспруденция» мергежилди дооскан. 

2006 чылда эгелээн күш-ажылчы оруу Тыва Республиканың саң-хөө яамызы-биле харылзаалыг. 2006-2013 чылдарда – башкарыкчы специалист, килдис начальнигиниң оралакчызы, килдис начальниги. 2013–2015 чылдарда – Бюджет политиказының департамент начальниги. 2015 чылдың январьдан 2016 чылдың октябрьга чедир Тыва Республиканың саң-хөө сайыдының бирги оралакчызы бооп ажылдаан. 

2017 чылдың мартта Красноярск край, Хакас Республика база Тыва Республика талазы-биле күрүне статистиказы федералдыг албан эргелелиниң удуртукчузунуң оралакчызынга томуйлаткан. Россия Федерациязының 3-кү класстың күрүне чөвүлекчизи.