Гидрометеотөп Тывага суг улгадырын баш бурунгаар дыңнадып тур

Тываның гидрометеорология болгаш долгандыр хүрээлелге мониторинг төвүнүң дыңнатканы-биле алырга, тайгалар бажында хар эрип, суггур чаъстар чаггаш, Улуг-Хемниң суу чаңгыс хүнде 52 см-ге көдүрүлген. 

Тываның өске-даа хемнериниң суу тереңнээн. Синоптиктер часкы суг үериниң ийиги чалгыы келирин, чурттакчылыг черлерни, участоктарны, оруктарны, көвүрүглерни ап болурун сагындырган.

 Россияның ОБЯ Тыва Республикада кол эргелели республиканың чурттакчы чонунга документилерин, эмнерин, чылыг идик-хевин белеткеп, үнелиг чүүлдерин база эдилелдерин бедидир шыгжаарын дыңнаткан. Бажыңнарже суг чоокшулап кээр болза, кожууннуң ЕДДС-че азы 8(39422)9-99-99 дугаарлыг “бүзүрел телефонунче” долгаарын, чагырга чериниң айтып бергени хоргадал черинге азы түр үеде чурттадыр пунктуларга баарын дыңнадып тур.