Гидрометеотөп Тывага чаъстаарын дыңнаткан, а камгалакчылар айыыл чок чоруктуң хемчеглерин сагыырынче чонну кыйгырган

Тываның гидрометеорология база долгандыр хүрээлел мониторингизиниң төвү бо неделяда чаъстаарын, чамдык кожууннарга хар чагганындан, суг көдүрлүп болурун дыңнаткан. 

Барыын болгаш Чөөн Саяннар бажында харның эрип батканы-биле чергелештир, чамдык черлерде чавызааш участоктарже суг көдүрлүп, автооруктарны ап болур. 

Россияның ОБЯ-ның Тыва Республикада кол эргелели республиканың чурттакчы чонунга документилерин белеткеп, эмнерден, чылыг хептерден ап алырын, үнелиг чүүлдерин бедидир шыгжарын сүмелеп турар. Бир эвес, бажыңнар чанынче суг чоокшулап кээр болза, кожууннуң ЕДДС база 8 (39422) 9-99-99 дугаарлыг “бүзүрел телефонунче” долгап, түр када чурттаар пунктуга келирин дыңнадып тур.