Регионнуң күрүнениң чуртталга оран-сава инспекциязының чаа удуртукчузун томуйлаан

Мерген Розалиевич Ооржак 1968 чылда Тыва АССР-ниң Ак-Довурак хоорайга төрүттүнген. 1997 чылда Тываның күрүне университединге «үлетпүр болгаш хамааты тудуг» мергежилин чедип алган. 1986 чылда «Тыва даг-дүгү» комбинаттың уургайынга дагжы база чазылдырыкчы бооп күш-ажылчы оруун эгелээн. 1987-1989 чылда ССРЭ-ниң Чеспектиг күштеринге албан-хүлээлгезин эрттирген. 1993 чылдан 2003 чылга чедир ТР-ниң Иштики херектер яамызының органнарынга ажылдаан. 2001-2003 чылдарда Тыва Республиканың Күш-ажыл болгаш социал политика яамызының “Гуманный” хоргаадаар черлиг республиканың назы четпээннерниң социал реабилитация төвүнүң директору. 2003-2015 чылдарда «Авырга» ХКБ КХН-ниң чиңгине директору. 2015-2017 чылдарда күрүнениң чуртталга оран-сава инспекциязы болгаш тудуг хайгаарал албанын удурткан. 2017-2018 чылдарда Тыва Республиканың тудуг болгаш чуртталга-коммунал ажыл-агый сайыдының бирги оралакчызы. 2018 чылдың марттан сентябрьга чедир күрүнениң оран-сава инспекциязы болгаш тудуг хайгаарал албанының удуртукчузунга база катап ажылдаан.