Тываның чону кажыыдалдың митингинде

Казань хоорайның 175 дугаар школазынга болган хай-халапка эң-не үнелиг эртинезин ышкынган өг-бүлелерниң кажыыдалын үлежири-биле, Тываның хөй националдыг чону Кызыл хоорайда Орус культура төвүнүң чанынга чыылган. 

Кажыыдалдың акциязынга республика чазааның кежигүннери, депутаттар, хөй-ниити организациялары киржикчилери чок болган уругларга болгаш башкыларынга чырык сактыышкынны кылып, чечектерни салып, чулаларны кывыскан. 

Тываның Чазааның даргазының оралакчызы Олен Бады татар чон-биле кады ханы качыгдап турарын илереткен: “Ырак-даа бол, кожа чурттап чоруур Татарстанда, чаш назынындан чарылган ажы-төл дээш тыва чоннуң мурнундан ханы кажыыдалды илерейлеп тур бис. Келир үеде ажы-төл амыр-тайбың чурттазын, кадык чаагай чорзун, шак-ла мындыг айыыл-халаптар болбазын дээш, демивисти каттыштырып чорууруңар. Кара күштер биске кажан-даа күш четпес. Кезээде кады бис!”