Республикада мал оолдаашкыны адакталган

Ажыл-агыйларның эрткен чылын белеткээн малының чеми бо кышты хүр ажарынга чедишкен. Ниитизи-биле малдың аарыгдан хораар чоруу демдеглеттинмээн. Шээр малдың чаш төлүн камгалап алыр талазы-биле, Тес-Хем кожууннуң көргүзүү эки - 32640 башты (планны 109 %) база Таңды кожуун - 14326 башты (планны 106 %). Бо хүнге чедир 45348 баш бызааны камгалап алган, планның 73 %. 

Бай-тайгажылар 4058 баш бызааны (93 %), а улуг-хемчилер 3467 башты алган (87 %). Планның 63 хуузун күүседип, төрүүр белерден 16070 баш кулунну камгалаан. 

Губернатор төлевилелиниң киржикчилериниң малы - яамының онза кичээнгейинде. «Кыштаг» төлевилелдиң малчыннары бо хүнде 45068 баш анай, хураганны алган. Планның күүселдези - 90 %. Тес-Хемниң “кыштагжылары” планын 129 хуу күүседип, 5161 баш малдың чаш төлүн алган. Дараазында мурнуку одуругда - Барыын-Хемчик кожуун. Олар 4594 баш чаш малды ап, планын 116 % чедирген. 

«Чаа сорук» төлевилелдиң киржикчилери планын 95 хуу чедирип, 7419 баш анай, хураганны алган. Бо төлевилелде Бай-Тайганың сорукчулары (713 баш, планны - 119 %) база Тес-Хемниң араттары (635 баш, 106 %) тергиидээн.