Тываның Баштыңының албан-хүлээлгезин күүседип турар В. Ховалыгның Улуг Тиилелге хүнү-биле байыр чедириишкини

 Ада-чурттуң Улуг дайынынга улуг секти салган Тиилелгениң салют оттарын аткан хүнден бээр таптыг-ла 76 чыл эрткен. Улуг Тиилелгениң хүнү-биле силер бүгүдеге чүрээм ханызындан байыр чедирип тур мен! 

 Ыдык Тиилелгени чедип алыр дээш миллион-миллон кижилер амы-тынын берген! Оларның аразында Азияның төвүнде республикадан коргуш-сыныш чок дайынчылар – тыва эки турачылар, танкычылар, ужудукчулар, солдаттар, офицерлер Тиилелгени чедип алырынга үлүүн киирген. Оларның аттары Тываның болгаш Россияның шериг төөгүзүнде мөңгеде киир бижиттинген! 

 Ыдыктыг дайын-чаага Тыва Арат Республика ССРЭ-ниң эң бирги эвилелчизи болганынга чоргаарланып чоруур бис! Чаалап алганы улуг Тиилелгени совет чоннарның хөй националдыг өг-бүлезиниң составынга байырлаанывыс уттундурбас! 

 Улуг Тиилелгени чаалап берген өгбелеривистиң салгакчылары бис! Фронтучуларның эрес-маадырлыг чоруу амдыгаа дээр бистиң чүректеривиске кезээ мөңгеде дириг. Бергелерни ажып эртеринге, бурунгаар базымнарже идигни ол берип чоруур. 

Чаа ажыл-херектерже, тиилелгениң чаа бедиктеринче бисти кыйгырып турар! 

 Улуг Тиилелгениң байырлалы-биле!