Тывада тиилекчи улусчу инициативаларны боттандырар

95 чурттакчылыг черлерге чыыштар эрткен, 161 улусчу инициативаларны чон идип үндүрген. Муниципалдыг деңнелде хөйнүң үнүн алган инициативаларны республика деңнелинге камгалаан. 

Эки дирткен улусчу инициативаларны шилиирде дараазында негелделерни көрген: чоннуң инициативаларын хөйнүң киржилгези-биле сайгарганы, чоннуң эгелээшкиннерин боттандырганындан чурттакчы чонга ооң ажык-дузазы, чоннуң эгелээшкиннерин амыдыралга боттандырар дээш бюджеттен дашкаар акша-хөреңгини хаара тутканының хемчээли. 

Республиканың Чазаа тергиин дээн улусчу инициативаларны боттандырарынга кады акшаландырыышкын кылдыр республика бюджединден субсидияларны үлээр айтыышкынны бадылаан.

 Дараазында төлевилелдер деткимчени алыр: 

1) Кызыл кожууннуң Кур-Чер суурнуң “Суг – бүгү дириг бойдустуң эгези” төлевилел; 

2) Өвүр кожууннуң Солчур суурнуң “Чунар-бажыңга капитал септелге” төлевилел; 

3) Бии-Хем кожууннуң Сесерлиг суурда “Суг – амыдыралдың дөзү” төлевилел, Бии-Хем кожууннуң Хадың суурда «Стадион тудуу” төлевилел; 

4) Сүт-Хөл кожууннуң Алдан-Маадыр суурга “Алдан-маадырларның баштыңы Самбажыкка тураскаал тудары” төлевилел; 

5) «Таңды кожууннуң Бай-Хаак суурнуң чурттакчы чонун суг-биле хандырары» төлевилел;

6) «Тере-Хөл кожууннуң Тал сумузунга школа назыны четпээн уруглар хүлээп алыр черлиг эвээш комплектилиг эге школа» объектини тудуп, ону ажыглалче киирери” төлевилел; 

7) Тес-Хем кожууннуң Берт-Даг суурга “Суг – хөгжүлдениң эгези” төлевилел; 

8) Тожу кожууннуң Тоора-Хем суурга “Чедингир суг” төлевилел; 

9) Чаа-Хөл кожууннуң Шанчы сумузунга “Суг – чуртталга” төлевилел; 

10) Чөөн-Хемчик кожууннуң Шеми сумузунга “Мастерлер төвү” (коворкинг-төп)” төлевилел; 

11) Ак-Довурак хоорайда «Хөй-ниитиниң чунар-бажыңын септээри” төлевилел.