Орук-транспорт комплекизинде чаа сайытты томуйлаан
26.04.2021
Апрель 26-да Тываның Баштыңының албан-хүлээлгезин күүседип турар Владислав Ховалыг Шораан Чыргал-оолду орук-транспорт комплекизиниң сайыдында томуйлаан. Ш. Ховалыг сайыттың оралакчызы тургаш, орук тудуу, септелгези, ажаалдазы дээн адырның ажылын удурткан.
Владислав Ховалыг чаа сайыт орук ажылчынындан күш-ажылын эгелээнин онзалап айтып, чедиишкиннерни күзээн. “Тываның Баштыңының албан-хүлээлгезин күүседип турар Владислав Ховалыгның меңээ бүзүрелин үнелеп тур мен. Орук адырында шиитпирлээр айтырыглар хөй, план езугаар ону кылыр бис. Бо үеде чедип алдынган өзүлдениң темпизин кошкатпайн, харын-даа ону улам шыңгыырадыр апаар. Мооң мурнундагы көргүзүглеривисти ажар дээн сорулгаларывысты бо чылда чедип алыр бис. Федералдыг болгаш өске-даа немелде акшаландырыышкыннар дээш план езугаар ажылдарны чорудар. “Айыыл чок шынарлыг автомобиль оруктары” национал төлевилелде салдынган мурнады боттандырар ажылдарны нормативтиг байдалче киирери-биле комплектиг ажылдарны уламчылаар” – деп, Шораан Чыргал-оол чугаалаан.
Ш. Чыргал-оол1988 чылдың март 4-де Чеди-Хөл кожууннуң Хову-Аксы суурга төрүттүнген, 2012 чылда Сибирьниң аргыжылга оруктары күрүне университединиң «Автомобиль оруктары болгаш аэродромнар» мергежилин дооскан инженер.
Возврат к списку
|