Тываның Чазаанга Роснедрниң төлээзи-биле ужуражылга

Ужуражылгага Төп-Сибирь округунда Чер иштиниң байлактарының талазы-биле департаментиниң Тыва Республикада геология болгаш лицензирования килдизиниң начальниги Нина Щевцова, РЭА Тываның бойдус курлавырларын комплекстиг шинчилээр институттуң директорунуң хүлээлгезин түр када күүседип турар Ренат Кужугет, Чазак даргазының оралакчызы Александр Брокерт база одалга болгаш энергетика сайыды Роман Кажин-оол киришкен.

 Владислав Товарищтайович республика девискээринде чер иштиниң байлактарынга геологтуг шинчилелдерни организастаанының чурумун, ажыктыг казымалдар чыдынын болбаазырадырынга төлевилел болгаш техниктиг документацияны ажылдап кылганынга база чөпшээреткенинге, казымал байлактар ажыглакчыларга аукционарны база чөпшээрежилдилгени организастаанын айтырган. Ол ышкаш республиканың минералдыг чиг эт баазазының ниити байдалын, чер иштиниң байлактарының перспективтиг угланыышкыннарын база чидиг айтырыгларын чугаалашкан. 

Тыва Республикада Чер иштиниң байлактарының талазы-биле эргелелдиң төлээзи Нина Шевцова территориалдыг органның ажылын каксы таныштырып, ТР-ниң социал-экономиктиг хөгжүлдезиниң тускай планында кирген чер чыдыннарны чугаалаан. Оон аңгыда чер иштиниң федералдыг байлаа болур Тастыг, Арыскан база Улуг-Танзенге тайылбырны берген. Тастыгның чыдынын ам-даа шинчилеп, күрүне экспертизазынче чорударын дыңнаткан. А Арысканның чыдынында даг холумаа радиациялыг, ол амдыызында хааглыг. Улуг-Танзектиң чыдынын болбаазырадырынга чарыгдал улуг болганындан, ол орулга бербес. 

Чер чыдынын болбаазырадыры-биле холбашкан улуг инвестиция төлевилелдери - Ак-Суг, Кара-Белдир, «Тардан Голд» КХН-ни база чугаалашкан. 

Владислав Ховалыг ужуражылганың түңнели-биле, республика девискээринде ажыктыг казымалдарның чамдык чыдыннарын, ылаңгыя Ак-Тал чыдынын, болбаазырадыр төлевилел болгаш техниктиг документациязын ажылдап кылып, ооң техниктиг-экономиктиг үндезинин өөренип көөр ажылды кылырын харыысалгалыг оралакчыларынга онааган.