- Главная
- Правительство Республики Тыва
- Деятельность
- Поручения
- Документы
- Кадровая политика
- Противодействие коррупции
- Обращения и прием граждан
- Бюджет Республики Тыва
- Год здоровья
- Государственные закупки
- Список системообразующих организаций и предприятий Республики Тыва
- Информационные системы, базы данных, реестры, регисты
- Формирование городской среды
- Национальные и губернаторские проекты
- Реформа контрольно-надзорной деятельности
- Безопасность
- Антитеррористическая комиссия Республики Тыва
- Государственные доклады
- Координационные и совещательные органы при Правительстве Республики Тыва
- Обеспечение общественного порядка и противодействие преступности в Республике Тыва на 2021 - 2024 годы
- НПА определяющие полномочия Правительства Республики Тыва
- Экономика
- Градостроительная деятельность в Республике Тыва
- Перечни объектов недвижимого имущества, находящихся в государственной собственности Республики Тыва и собственности муниципальных образований Республики Тыва
- Рейтинг муниципальных образований
- Военный комиссариат Республики Тыва
- О республике
- Инвестиционный паспорт
- Интернет-приемная
- Официальные документы
- Контакты
- Онлайн-голосование
|
|
Владислав Ховалыг: политиктиг кандыг-даа үзел-бодал катап тургузуушкун болгаш хөгжүлдеже угланган болза, кичээнгейге база хүндүткелге ол төлептиг
16.04.2021
Апрель 15-те Чазак бажыңынга, Тываның Баштыңының хүлээлгезин күүседип турар Владислав Ховалыг «Чаңгыс демниг Россия», «Чөптүг Россия», «Өзүлде партиязы», «ЛДПР», «КПРФ», «Россияның казактар партиязы», «Россияның коммунистери» партияларның регион салбырларының удуртукчулары-биле ужурашкан.
Ужуражылганың киржикчилери республика баштыңының албан-хүлээлгезин күүседип эгелээни дээш аңаа байырны чедирип, республиканың чаагай чоруу дээш кады ажылдажылгага беленин дыңнадып, санал-оналдарны киирген.
«Бөгүн мында чыглып келген партияларның политиктиг көрүүшкүннери делгем. Парламент партияларының төлээлери аңгы-аңгы деңнелдерге боттарының төлээлекчилерин салыр дээн демисел ам-даа болур. Ужуражып, чугула айтырыгларны сайгарып көрзе дээн саналды хүлээп алганыңар дээш, четтирдим. Шак мындыг ужуражылгалар чаагай чаңчыл апаар боор. Чөптүг кады чугаажылга дег үнелиг чүве чок болгай. Оң, солагай талазында, азы ортузундазы хамаанчокка – тургузуушкун болгаш хөгжүлдеже угланган кандыг-даа политиктиг үзел-бодал кичээнгейни хаара тудар болгаш, хүндүткелге төлептиг болур. Эң кол чүүл - чаңгыс чер-чурттугларывыстың, соңгукчуларывыстың чаагай чоруу дээш ажылдаалыңар. Олар бодунуң ээлчээнде, кымның идеялары болгаш ажыл-херээ бүзүрелге база деткимчеге төлептиинге үнелелди бээр» – деп, Владислав Ховалыг чугаалаан.
Бүгү-российжи политиктиг партияларның 14 регион салбыры республика девискээринде бүрүткеттинген, оларның 7-зи идепкейлиг ажылдап турарын сагындыраал.
В. Ховалыг бодунуң чугаазында мону демдеглээн: «Регион баштыңының албан-хүлээлгезин күүседип турар кижи болганымда, кымның карманында кандыг партбилет барындан хамаарылга чокка, чонумнуң мурнунга хүлээлгем чаңгыс. Политиктиг тулчуушкуннарның шөлү - оларның программалары, инициативалары, идеялары база боттуг ажыл-херектери болур ужурлуг. Шак-ла ындыг арга-хевир төнчү эки үре-түңнелди бээр. Тывада бо чылды «Улусчу эгелээшкиннер чылы» кылдыр чарлаан. Сонуургалдыг кайы-даа талалар боттарының хамааты туружун болгаш политиктиг угланыышкынын илередиринге эң эптиг шөл ол».
Владислав Ховалыг республиканың билдингир хөй-ниити организациялары-биле база ужурашканын чыылганнарга дыңнаткан. Тываның Баштыңы албан-хүлээлгениң күүседикчизи хөй-ниитичилер-биле ужурашкаш, Тываның хөгжүлде программазын боттандырарынга кады ажылдаар идепкейжи хамаатылар, аңгы-аңгы хөй-ниити болгаш политиктиг организацияларның төлээлери бодунуң үлүүн киирип болур республиканың Улусчу чөвүлелин тургузар саналды киирген.
|
|