Апрель 9-та РФ-тиң Президентизи СФО-да бүрүн эргелиг төлээзи Сергей Меняйло түр үеде томуйлаткан Тываның Баштыңын таныштырар

Апрель 9-та Кызылга Россияның Президентизиниң Сибирь федеарлыдыг округда бүрүн эргелиг төлээзи Сергея Меняйло келгеш, күрүнениң баштыңы Владимир Путинниң 2021 чылдың апрель 7-де түр када Тыва Республиканың Баштыңынга томуйлааны Владислава Ховалыгты таныштырар. 

Тываның Баштыңы турган Шолбан Кара-оол эки тура-биле халаштырар билдириишкинни киирерге, аңаа чөпшээрешкен.

 «Владислав Товарищтайовичини Россия Федерациязының президентизиниң Сибирь Федералдыг округда бүрүн эргелиг төлээзи таныштырар - деп, Шолбан Кара-оол Москвадан ужуп келгеш чугаалаан. – Дүүн ооң дугайында чугаалаштывыс, Сергей Иванович ужуп келир. Хөй-ниитичилер, депутаттар,чазак кежигүннери-биле каттышкан хуралдар эртер. Ажыл-херекти дүрген дамчыдыптар мен, чаа удуртукчу долу күжү-биле бурунгаарлап, ажылдаар кылдыр». 

Тываның Баштыңының албан-дужаалын түр када күүседип турар Владислав Ховалыг: «Кончуг улуг харыысалганы, бүрүзүрелди алдым. Шолбан Валерьевич 14 чылдарның дургузунда мында чурттап турар кижилерниң чаагай чоруу, республиканың салым-чолу дээш харыылап келген. Бүгү-ле эгелээшкиннер эки чоруп, республиканың чону чүүлдүгзүнүп турар – ол бүгүнү уламчылаар апаар. Эң-не улуг чедиишкин – республиканың социал-экономиктиг хөгжүлдезиниң тускай планы". 

Шолбан Кара-оол: «Чаа удуртукчу республиканы удуртуп эгелээр, шупту коллегаларым бодунуң албан хүлээлгези-биле бүгү талазы-биле деткип, сула салдынмайн ажылдаарын дилээр-дир мен. Бодунуң бодалдарын, чүткүлүн боттандырып, бодунга харыысалганы ап, инициативтиг удуртукчу кылдыр бодун көргүзер арга кижи бүрүзүнде бар. Амыдыралда планнар чиктиг, шупту буурап каар дээн ышкаш бодалдарны тургузуп болбас херек. Шупту чүве дес-дараалаштыр чоруп турар, бо үе чадага харыысалганы күштелери чугула».