Апрельдиң 1-ден республиканың школаларында бирги классче бижидилге эгелээн

Кызыл хоорайда ниити өөредилгениң 14 албан черлеринде 100 класс-комплектиже база республикада 173 школаларже ада-иелерден билдириишкиннерни хүлээп эгелээн. 

Кызыл хоорай мэриязының өөредилге департаментизи солагай талакы дачалар ниитилежилгезинде чаа школаже бижидилгени чорудар, ада-иелер билдириишкинни ынаар киирер.

 Школаже хүлээп алыышкынны 2 чадага кылыр: 

I чадада – школа девискээринде быжыглаттынган черлерде чурттап турар уругларның бижидилгезин апрельдиң 1-ден июнь 30-ге чедир кылыр. 

II чадада – школа девискээринде чурттавайн турар азы өске черлерден келген уругларны июльдуң 6-дан, хостуг олуттар бар болза, сентябрь 5-ке чедир бижидер. 

Бо чаа өөредилге чылында чаартылганы киирген – бир эвес чаңгыс өг-бүлениң ажы-төлү болур угбазы, акызы ол школада өөренип турар болза, бирги классче бижидип болур эргелиг.

1-ги классче бижидерде дараазында документилер херек: 

- паспорт азы бодун шынзыткан өске документ; 

- уругнуң төрүттүнген дугайында херечилели; 

- келир үениң биргиклассчызының быжыглаттынган девискээринде чурттап турарын шынзыткан документ (1-ги чадада). 

Немей херек апарып болур документилер: -

 чиигелделиин бадыткаан документ (бар болза); 

- 6,5 хар четпээн азы 8 хар ашкан уругну өөредилге чериниң 1-ги клазынче киирип болур дугайында комиссия шиитпири; 

- уругнуң хоойлу езугаар төлээзи бооп турарын шынзыткан документилер; 

- психолог-эмчи-башкы комиссиязының түңнел бижии; 

- уругнуң Россияга турар эргезин бадыткаан документилер. 

Ада-иелер өөредилге организациязынче документиниң бодун база хоолгазын киирер, азы болза электроннуг почталап школаның албан езузунуң сайтызынче чорудар ийикпе, документилерни сканерлээш «Госуслуги» портал таварыштыр чорудуп болур.