24.03.2021
Республикада чаа коронавирус инфекциязы-биле байдал экижип келгенин өөренип көргеш, Тыва Республиканың Баштыңы Ш.В.Кара-оол регионнуң Экономика яамызынга хөй-ниити чемненилге организацияларының (рестораннар, кафе, столовая, буфеттер, орук чоогунуң ачы-дуза объектилери, барлар, закусочнаялар) база уруглар ойнаар төптерниң таптыг ажылдаарынга шаптыктыг кызыгаарлаашкыннарны ап кааптар даалганы аппарат хуралында берген.
Тыва Республиканың Чазааның 2021 чылдың март 19-та «Тыва Республиканың девискээринде кезээде белен чорук байдалында организацияларның болгаш хууда сайгарлыкчыларның ажыл-агыйжы ажылын чорудар чурумнуң 2-ги пунктузунга өскертилгелерни киирер дугайында» № 135 доктаалы езугаар:
- COVID-19-тан ажылдакчыларны тараанындан хамаарылга чокка хөй-ниити чемненилге организацияларының (рестораннар, кафе, столовая, буфеттар, орук чоогунуң ачы-дуза объектилери, барлар, закусочнаялар) ажылдаар үелеринде кызыгарлаашкыннарны ап кааптар;
- уруглар ойнаар, оюн-тоглаалыг черлерде, компьютер залдарында база ындыг хевирлиг ачы-дуза чедирилгелиг өске-даа объектилерде 1 кижиге 2,5 кв.м. дээн кызыгаарлаашкынны ап кааптар.
Кезээде белен чоруктуң чуруму киирген үеде, 3.1.3597-20 СЧ санитар-эпидемиологтуг чурумнарның 4.4 пунктузунда айыттынган дараазында санитар-эпидемиологияга удур (профилактиктиг) бөлүк хемчеглерни сагыыры албан:
- өрээлдерде агаарны доктааткан чурум езугаар арыгладыр;
- дезинфекциялаар чүүлдер-биле өл арыглаашкынны чорудар;
- өрээлдерни агаарладыр;
- хуу болгаш хөй-ниитиниң арыг-силиин тудар байдалдарны тургузар;
- холду дээспейн ажыглаар санитайзерлерни тургузар;
- ажылчыннар база келген кижилер маска чурумун база 1,5 м социал дистанцияны сагыыр;
- 5 хүнге чедер ужурлуг хууда камгалал, дезинфекция чүүлдерин, антисептиктерни курлавырлаар.