Тывада биче бизнестиң чамдык объектилери санитарлыг чурумну сагывышаан ажылын катап эгелээр

Тыва Республиканың девискээринге чаа коронавирус халдавырын нептеретпес дээш чурттакчы чоннуң санитар-эпидемиологтуг чаагай чоруун хандырарда ол хемчеглерни албан күүседирин, чоорту ол кызыгаарлаашкыннар оон-даа кызырлырын ТР-ниң экономика сайыдының оралакчызы Эва Даваа-Самбуу тайылбырлаан. Б

ир дугаарында, уруглар ойнадыр, хөгледир черлерге, компьютер залдары болгаш ындыг хевирлиг ачы-дуза объектилеринге, аттракционнарга 4 дөрбелчин метр шөлге 1 кижи турарын хандырар. 

Ийиде, СПА-салоннар, массаж салоннары, солярийлер, сауналар, эштир бассейннер болгаш ындыг хевирлиг ачы-дуза чедирилгелиг объектилер 4 дөрбелчин метр шөлге 1 кижини хүлээп алыр болгаш, ону баш бурунгаар бижидилге-биле кылыр. 

Эштир бассейннерлиг организациялар баш бурунгаар бижидилгени чорудуп, бөлүктээн аквааэробика кичээлдерин эрттирерде бассейнниң 5 дөрбелчин метр черде суунга 1 кижи кылдыр санаар. 

Сайгарлыкчылар бассейн суу санитарлыг нормаларга дүгжүп, арыг турарын хандырып, бассейнде эштип турар кижилерниң саны 25 хуу долу болурун харыылаар. 

Ниити ажыглал черлери – душту, уштунар өрээлдерни, бассейнниң шалазын, дыштаныр, чемненир өрээлдерни 4 шак болгаш-ла дезинфекция холуксаазын ажыглап, арыглап аштаар. А спортчу дериг-херекселдерни, сандайларны, чыдар черлерни 2 шак болгаш-ла аштап, чүлгүүр. 

Хөй кижи чыглыр спортчу хемчеглерни, хуу, өг-бүле, корпоратив байырлалдарын, байырлыг езулалдар, банкеттер, шайлалгалар, төрүттүнген хүннер, юбилейлер, дойлар эрттирерде, ол ышкаш кежээки клубтарга (дискотекаларга), караокелерге, танцылаар шөлдерге, өске-даа хөглээшкин болгаш дыштанылга черлеринге 4 дөрбелчин метр шөлге-ле 1 киржикчи болурун чедип алыр.