Крещениеде эштириниң дугайында: Covid-19-ту аары-биле эрткен кижилер доңуп болбас ужурлуг

ТР-ниң Кадык камгалал яамызының штаттан дашкаар пульмонологу Чодураа Мандаржап Крешение байырлалында соок сугга кирер деп турарлар боттарының кадыкшыл байдалын эки билип алырын сүмелээн. 

Ооң мурнунда Covid-19 аарыын аар байдалга эрткен кижилер соокка алзып болбас. Назылап кыраан база хоочураан аарыгларлыг кижилер, ковид аарып турган кижилер соок сугже киреринден оваарныр. Аныяк, кадык, күш-дамыр белеткели чедер-даа кижилер бодунуң кадыкшыл байдалын билген турары күзенчиг. Ооң мурнунда соок сугга эштип турган, белеткелдиг, кадык мен деп боттарын санаар кижилер эмчиниң тайылбыр-сүмезин алыры артык эвес. Бистиң ышкаш соок кыштыг Тывага соок сугга эштири мага-ботка улуг дидирел болгаш “аарышкы” болур. 

Тываның Кадык камгалал яамызы.