Чаа чыл хүннеринде Тываның улусчу дружинниктери тонна хире арага суррогадын хавырган

11.01.2021

Чаа чылдың дыштаныр хонуктарында ДНД кежигүннериниң киржилгези-биле хоойлуга чөрүштүр садып-саарар деп турган 936 литр спирт холумактыг суук чүүлдү хавырган. Эрткен чылдың Чаа чыл хонуктарынга турганындан үш бүдүн чартык катап хөй деп, регионнуң аппарат хуралында Виктор Хулер дыңнаткан.

Чаа чыл дүнезинде база дараазында дыштаныр хонуктарда эки-турачы улусчу дружиналарның 3,5 муң кежигүннери патрульдаашкынче үнген.

Республиканың иштики херектер сайыдының хүлээлгезин күүседип турар Март-оол Тарначы эки-турачы улусчу дружинниктерниң идепкейжи чоруун аппарат хуралында онзалап демдеглээн.

Эки-турачы улусчу дружинниктериниң киржилгези-биле арага болгаш спирт холумактыг продукция садып-саарып турар 905 садыг объектилерин, организацияларны база хуу сайгарлыкчыларны хынаан