Тываның Көдээ ажыл-агый яамызы – эгелеп чоруур араттарны деткээн субсидияларны бээр дээн шилилделиг мөөрейниң түңнелдерин үндүрген
10.11.2020
Тыва Республиканың Чазааның 2013 чылдың октябрь 30-де N 633 доктаалы-биле бадылааны, “2014 - 2020 чылдарда Тыва Республикада көдээ ажыл-агыйын хөгжүдери база көдээ ажыл-агый продукциязының, чиг эдиниң база аъш-чем рыноктарын чурумчудары” Тыва Республиканың күрүне программазы-биле эгелеп чоруур араттарны деткиирин чедип алыры-биле, кордакчыларны шилиир конкурс комиссиязы эгелеп чоруур араттарга деткимчениң субсидиязы кылдыр грантыларны бээр түңнелдерни үндүрген.
2020 чылдың октябрь 16-да конкурс комиссиязы хуралдаан. Республиканың 5 кожуунундан 12 кордакчы конкурска төлевилелдерин камгалап киришкенин сагындыраал.
Конкурс шилилдезинге 2 арат грантыларны алыр эргени алган:
1. Тес-Хем кожуундан А.Ш. Суктер - «Көдээ ажыл-агый продукциязын (тараа болгаш мал чиир культуралар) бүдүрерин көвүдедир сорулга-биле көдээ ажыл-агый техниказын садып алыры”;
2. Өвүр кожуунда О.И. Тежит - «Мыйыстыг бода малды (сарлыктарны) өстүрүп көвүдедери”.
Возврат к списку
|