Тывада хуу инвестициялар хемчээли 9 катап көвүдээн
12.10.2020
2006 чылда инвестицияларның хемчээли 1,9 млрд. рубль болуп, ында хуу инвестициялар чок турган болза, 2019 чылда ол 9 катап көвүдеп, ооң ниити хемчээли 17,5 млрд рубль четкен. Ол чымыштыг ажылдыг түңнели.
Тываның Баштыңы Шолбан Кара-оол ам инвестиция политиказынче туруштарны база аргаларны чиге тургузары чугула деп демдеглээн. Ылаңгыя хуу инвестицияларны хаара тудар херек. Күрүне инвестицияларының хуу бизнеске салыышкынын деткиир арга-хевирлерни тургузар.
«Ынчангаш инвестиция төлевилелдери-ле тодаргай дугуржулгалыг болгаш белеткээн чурумнуг ажыл-чорудулгалыг болур ужурлуг – деп, Тываның Баштыңы демдеглээн. – Тываның шапкын хөгжүлдезиниң бот-тускайлаң программазы күрүне-хуу кады эштежилгени ажыглаарын саналдап, хуу бизнес бар бүдүрүлге төлевилелдерин деткиир апаар. Ынчангаш чиге чурум турары албан: өнчүнүң хевири, өнчүже дамчыткан хуусаазы, чер, инфраструктура айтырыгларының талазы-биле күрүне деткимчези».
Возврат к списку
|