16.07.2020
Тыва Республиканың Чазааның 2013 чылдың июль 29-та доктаалы езугаар, дээди өөредилгениң күрүне өөредилге организацияларын тергиин дооскан кижилерге Тыва Республикага бажың садып (тудуп) алырынга ипотека чээлизиниң кезек чамдыызынга компенсация кылдыр субсидия алырынга документилер хүлээп алыышкынын август 1-ден сентябрь 15-ке чедир чорудар.
2020 чылда субсидия алырынче кордап турар кижилер август 1-ден сентябрь 15-ке чедир дараазында документилерни төлээлеттирген органче дужаар:
а) амгы чурумнуң 1-ги капсырылгазында майык езугаар субсидия бээр дугайында билдириишкинни ийи санныг кылдыр киирер (ооң бирээзин билдириишкин ээзинге эгидер);
б) доозукчунуң өг-бүле кежигүннерин бадыткаан документилерниң хоолгазы;
в) өг-бүле составының дугайында справка;
г) чурттап турар черинде бүрүткеткен дугайында справка;
д) бадылашкан (азы чара бадылашкан) (бар болза) херечилелдиң хоолгазы;
е) РФ-те шимчевес өнчүзү чок дугайында Шимчевес өнчүнүң чаңгыс аай күрүне реестринден ушта бижилге;
ж) дээди өөредилгениң күрүнениң өөредилге организациязын дооскан дугайында дипломнуң хоолгазы (капсырылгалары-биле);
з) доозукчунуң ажыл берикчизиниң бадыткааны күш-ажыл дептериниң хоолгазы;
и) доозукчуну ажылга тургускан дугайында ажыл берикчизиниң дужаалының хоолгазы;
к) ажыл берикчизиниң бадыткааны доозукчунуң күш-ажыл керээзиниң хоолгазы;
л) субсидия бээриниң дугайында ажыл-берикчизиниң дилег бижии;
м) 2-НДФЛ майыкта долдурган орулгалар дугайында справказы.
Бо чылдың сентябрь 15 соонда документилер хүлээп албас болгаш оларны сайгарып көрбес. Тайылбырны бо телефондан алыр: 6-40-34 (Тыва Республиканың Өөредилге болгаш эртем яамызы, Калинин кудумчузу 1 «Б», каб. 228, аняыктар политиказының килдизи).