Тываның Баштыңы муниципалдыг чергелиг суг үери болган ыраккы Бай-Тайга кожуунче үнүпкен

Июль 17-де Тываның Баштыңы Шолбан Кара-оол күштүг чаъс чагганындан Барлык хемниң суу көдүрлүп, Шуй-Аксы суурнуң бажыңнары сугга алыскан Бай-Тайга кожуунче үнүпкен. 

 Республика Баштыңы сугга алыскан черлерни боду көрүп, тус черниң чурттакчылары-биле ужуражып, суг үериниң уржуун чайладыр оперативтиг штабтың хуралын эрттирер. 

 Бай-Тайга кожууннуң Шуй-Аксы суурнуң девискээринде Барлык хемниң суу үргүлчүлелдиг чаъс-чайык соонда көдүрүлгенин сагындыраал. Ынчангаш ук девискээрде муниципалдыг чергелиг онза байдал чарлаттынган. Аварийлиг-катап тургузуушкун ажылдарының планын тургускан. Соңгаарладып болбас хемчеглерни эрттирген соонда шинчилел ажылдарының актызын тургузар. Төлевилел-смета документилерин кылып эгелээн. 

Бай-Тайга кожууннуң девискээринде муниципалдыг чергелиг онза байдалды чайладыр оперативтиг штаб ажылдап эгелээн. 

Шуй хемни кежир ийи көвүрүгнү суг алгаш барганын дыңнаткан. Ол көвүрүг Шуй суур биле Шуй-Аксы арбанның аразында аргыжылганы хандырып турган. Сугну ояр оон өске орук чок. Шуй-Аксы биле Шуй суурнуң аразы 7 км.