Тываның Баштыңы сугга алзып болур хире черлерде малчын коданнарны хайгааралга алырын дааскан
15.07.2020
Тывага үргүлчүлелдиг чаъстар чагган соонда, 5 кожуунда - Мөңгүн-Тайга, Чеди-Хөл, Бай-Тайга, Чаа-Хөл база Улуг-Хемде – хемнерниң суу улгадып, оруктар участоктарын суг үрей шаап, ыяш көвүрүглер сугга алзып, чиик автотранспорт-биле аргыжылга бергедээн.
Ол кожууннарда өрт-камгалал кезектериниң оперативтиг бөлүктери ажылдап турар. Онза байдалды болдурбас база ону чайладыр талазы-биле комиссиялар хуралдап турар.
Тываның Баштыңы Шолбан Кара-оол суг үеринден когарап болур хире малчын турлагларны хайгааралга алырын республиканың көдээ ажыл-агый болгаш аъш-чем яамызынга дааскан:
«Хадывышаан, улай-улай чагган чаъстар малчыннарга бергедээшкиннерни тургузарын билир бис. Хемнер уннарындан үнүп болур, ынчангаш малчын турлагларны онза кичээнгейге ап, чугула херек чүүлдер-биле малчыннарны хандырар херек. Малчын аалдарже үнүүшкүннерни организастап, малчыннарның, оларның ажы-төлүнүң база хоочуннарның кадыкшыл байдалын хынаар херек. Тургустунган байдалды өөренип, чогуур хемчеглерни алырын көдээ ажыл-агый яамызынга даастым».
Возврат к списку
|