Тываның арга-арыг ажыл-агый албан черлери өрт-биле демисежир чаа автомобильдерни алган

Россия хүнүнде республикада келген чаа техниканы арга-арыг өрттерин өжүрер өртчүлер, бойдус хүрээлелиниң камгалакчылары болур аңныыр ажылдакчылары хүлээп алган. Алды санныг УРАЛ биле ГАЗ автомашиналарның баазаларында өрт өжүрерде суг кудар автоцистерналарны быжыглаан. Сарыг-Септиң арга-арыгны агаардан камгалаар баазазынга база республиканың беш тускай арга-арыг албан черлеринге оларны хувааган. 

Республиканың Бойдус яамызының күрүнениң аңныыр инспекторлары кандыг-даа черлерге тура дүшпес , бедик шынарлыг УАЗ – Хантер база УАЗ – Патриот автомашиналарны алыр аас-кежиктиг болган. 

Эрткен чылдың чазын эгелээш, декабрь 31-де доозулган «Республиканың бөрү аглаар тулган бригадазы» ат дээш конкурстуң тиилекчилери шаңналдарын алган. Бирги черни алган бригада харга чоруур «Буранга», ийиги чер – даг мотоциклинге төлептиг болган. Үшкү черни ээлээн бригада шаңнал кылдыр аңнаар боо садып алыр сертификатты алган. Шак-ла мындыг хемчеглер республикада доктаамал болуп турар.