2020 чылдың май 25-те Тыва Республикада коронавирус талазы-биле эпидемиологтуг байдал

Тыва Республикада эпидемиологтуг байдал эгелээнден COVID-19-тан аараан 760 таварылганы илереткен. 84 кижини сегээн соонда, үндүр бижээн. 674 кижи аарып турар. Эрткен үе дургузунда бир кижи мөчээн. Бир чок болган кижиге патологоанатомнуг экспертизаны кылган. Эрткен хүнде чаа аараан 54 кижини илереткен. Аарыгның тарап нептерээни 1 хуу, нормазы база 1,0 хуу. Май 24-түң хүнү-биле алырга, халдавырлыг аарыгдан аараан кижилерге дээш салган оруннар саны 768, халдавырлыг аарыглар эмнелгезинде, туберкулезка удур диспансерде, перинаталдыг төпте, кожууннар эмнелгелеринде оруннарны немей дерээн. Хостуг оруннар саны - 50,6% (нормазы - 50% эвээжевес). 

Ийи эмнелгениң реанимация салбырларында 51 кижи чыдар, оларның шуптузун кислородта кошкан. ИВЛ аппаратта бир кижи бар. 242 кижи аар дегдирген, оларның 13-ү бичии уруглар, 1 иштиг кижи бар. 

Кожууннарның инфекция салбырларында covid-тиг 51 аарыг кижи чыдар: 

· Барыын-Хемчиктиң ММТ – 2 

· Бай-Тайганың ТКЭ – 2 

· Чөөн-Хемчиктиң – 3 · Кызылдың ТКЭ – 9 

· Мөңгүн-Тайганың – 4 

· Өвүрнүң – 1 

· Бии-Хемниң – 1 

· Таңдының – 7 

· Тес-Хемниң ТКЭ – 8 

· Улуг-Хемниң ММТ – 12 

· Эрзинниң – 2 

Мөңгүн-Тайга кожуунда, Таңды кожууннуң Межегей суурда, Өвүр кожууннуң Хандагайты, Солчур суурларда, Тес-Хем кожууннуң Шуурмак суурда карантин хемчеглери уламчылап турар.