2020 чылдың май 12-де Тыва Республикада эпидбайдал

Кадыкшыл байдалы экижээни-биле 30 кижини үндүр бижээн. Амгы үеде аарып турар 126 кижи бар. Дөрт кижиниң байдалы берге, ийи кижини ИВЛ-аппараттарда, үш кижини кислородта кошкан. Республиканың халдавырлыг аарыглар эмнелгелериөнде дегдирген, грипптээн, чаа халдаваырдан аараан 162 кижи эмнедип чыдар. 

Аараан кижилерниң хар-назын көөр болза, 9 айдан 65 харга чедир кижилер бар, оларның аразында 17 хар чедир назылыг 14 уруг эмнедип турар. 18 хардан 49 харга чедир - 98, 50 хардан 64 харга чедир - 24, 65 хардан өрү назылыглар аразынга – 8 таварылга болган. Эпидистелгеден илерээни болза, контактылыг кижилерден тест ап турда 49,3%, ОРВИ база пневмониялаан дээш шинчинкеш, 16,7%-зунда аарыг илереттинген. Аарыг кижилерниң 34% хуузу соңгаардан аарыгны эккелген. Кызылдың аэропортунга анализтер алгаш, 44 таварылганы илереткен, ол ышкаш обсерваторга чыткан кижилерден ийи дугаар анализти дужааткаш соонда, ийи аарыг кижи илерээн. 

Амгы үеде обсерваторларда 212 кижи хайгааралда. Обсерваторга ниитизи-биле 453 кижини хайгаараан Күрүнениң кол санитар эмчизи бот-хоргадалга олурар кылдыр 2 748 доктаалды берген. 

17552 лабораторлуг шинчилелдерни чоруткан.