Апрель30-де коронавирус талазы-биле Тывада байдал

Росхереглелхайгааралдың Тыва Республика талазы-биле эргелелиниң болгаш Кадык камгалал яамызының сан-медээзи-биле алырга, лабораторияга бадыткаттынган COVID-19-тан аарааннарның Тыва Республикада ниити саны 34 кижи болган, оларның 9-ун долузу-биле экирип-эмнеттингени-биле, хайгааралдан ужулган.

Сөөлгү хонукта COVID-19-туң үш таварылгазы бүрүткеттинген, чаа коронавирус халдавырындан кадык болуп экирээн бир кижини халдавырлыг аарыглар эмнелгезинден үндүр бижээн. 

Амгы үеде халдавырлыг аарыглар эмнелгезинде COVID-19-тан аараан 24 кижи чыдар, база бир ындыг таварылганы Таңды кожуундан илереткен. Аарыгны чыпшырып алганының бо таварылгазы дорт харылзаадан болган. Хакасияның перинаталдыг төвүнүң мооң мурнунда ады адаттынып турган бир ажылдакчызы херээженни Таңды кожууннуң халдавырлыг аарыглар эмнелгезинде чыттырган. Херээжен кижи 40 кижи-биле холбаалыг турганы илерээн, өске артканнарга хамаарыштыр аарыг чок деп түңнелдер алдынган. 

Абакандан Ак-Довурак хоорайга чедип келген база бир аарыг херээженниң дорт холбажып турган кижилериниң саны 16 болган, оларның шуптузу лабораторлуг шинчилгелерни эрткен, аарыг кижи чок болган. 

Республиканың эмнелге албан черлериниң салбырларында ниитизи-биле 63 кижи чыдар, кожууннарда – 10. Бо үениң дургузунда респираторлуг аарыглардан аараан 166 кижини эмнелгеге чыттырган, 103 кижини үндүр бижээн. 

Кызылдың үш обсерваторунда 103 кижи бар. Бүгү үениң дургузунда 241 кижини обсервациялаан 138 кижини үндүр бижээн. 

8696 лабораторлуг шинчилелди кылып чоруткан.