Тыва Республикада коронавирус талазы-биле эпидемиологтуг байдал

2020 чылдың январь 27-ден тура, таарымча чок регионнардан келген ОРВИ-лиг 52 кижини эмнелгеде чыттырган. 14 хонуктуң хүндүскү карантининиң соонда, 21 кижини үндүр бижээн. Оларның анализтери эки болган. Эмчи хыйгааралында ам-даа 31 кижи бар: 

Халдавырлыг аарыглар эмнелгезинде – 14, 

«Барыын-Хемчиктиң кожууннар аразының эмнелге төвүнде» – 5, 

«Эрзинниң төп кожуун эмнелгезинде» – 1, 

«Сүт-Хөлдүң төп кожуун эмнелгезинде – 1, 

«Чеди-Хөлдүң төп кожуун эмнелгезинде» – 2, 

«Улуг-Хемниң төп кожуун эмнелгезинде» – 4, 

«Бай-Тайганың төп кожуун эмнелгезинде» – 4. 

2020 чылдың январь 27-ниң хүнүнден бо хүнге чедир 68 кижи (аарыг нептерээн черлерден, аарыы бадыткаттынган кижилер-биле харылзаалыг турган, ОРВИ чок) обсервацияга чыткан. Шинчээн соонда, 55 кижини үндүр бижээн, 13 кижи ам-даа обсервацияда чыдар. Хыналда шинчиишкинде чыдар кижилерниң анализтериниң харыызы анаа. 

891 лабораторлуг шинчилелди чоруткан, оларның харыылары эки. Бо эрткен хонукта 203 анализти алган.

 Шинчилел кылыр 1809 тест-система бар. ТР-ниң Кадык камгалалының (халдавырлыг аарыглар эмнелгези биле ТР-ниң СПИД төвүнде) ийи лабораториязынче хыналда кылыр 1300 тест-системаны дамчыткан. Кадык кижилер боттарының күзели-биле лабораторияларга анализтерин дужаап болур.

 «Ак» база «Шивилиг» постуларында республикаже автотранспорттуг кирип турар кижилерни шинчиир санитарлыг контрольду организастаан. Кызыл хоорайның аэропортунда санитарлыг зонаны база эмчи пунктузун аңгылаан. Ужуп келген кижилерни шинчип, анкеталарны долдуртуп турар. 

2020 чылдың март 29-ка чедир, Кызылдың аэропорту таварыштыр ужуп келген 137 кижини шинчээн. Эъди изиг кижилер чок болган. 

2020 чылдың март 27-ден 30-ге чедир, «Шивилиг» база «Ак» постулары-биле Тыва Республикаже 964 автотранспорт эрткен: 

чиик машиналар – 693, чүък машиналары – 200, автобустар – 11, микроавтобустар – 32.

 «Шивилиг» постузунда ажылдап турар эмчилер 2976 кижини шинчээн: 

- чолаачылар болгаш пассажирлер – 1958; - Тыва Республикаже чанып келген студентилер – 757; - назы четпээннер – 261. 

2020 чылдың март 30-ниң 08.00 шакка чедир, вируска каразыттырган чаңгыс-даа таварылга бүрүткеттинмээн. 

«Ак» постузунга 236 кижини хынап көрген: - улуг кижилер – 167; - студентилер – 57; - назы четпээннер – 12. 

Бо хүннүң эртенгиниң 08.00 шакка чедир вируска каразыттырган кижи илереттинмээн.