Тыва күрүне-хуу кады ажылдажылга рейтингизинде 17 турушта көдүрүлген
28.02.2020
РФ-тиң экономиктиг хөгжүлде яамызы 2019 чылда күрүне-хуу кады ажылдажылга адырын хөгжүткен деңнел талазы-биле рейтингини тургускан, ында Тыва Республика 2018 чылда 82-гы черге турган болза, ам 17 туруш көдүрлүп, 65-ки черже үнген. Тыва Магадан область, Астрахань область, Чукотка автономнуг округ база Чечен Республика дээн регионнарны артында арттырган.
Ажыл-агыйжы болгаш үре-түңнелдиг ажылдарга үндезинни тургузары-биле Чазак биле бизнестиң аразында харылзааны таарыштырар нормативтиг эрге-хоойлу актыларын ажылдап кылгаш, хүлээп алганы, Тыва Республиканың девискээринде күрүне-хуу кады ажылдажылга хевирлерин ажыглаарынга идиглиг болган.
Тыва Республиканың Чазаа хуу инвестицияларны хаара тудуп, инфраструктураны хөгжүдеринге күрүне-хуу кады ажылдажылга хевирлерин идепкейлиг ажыглаар кылдыр, Тыва Республиканың күүсекчи эрге-чагырга органнарын база тус чер бот-башкарылга органнарын деткиир аргаларны эки ажыглап турар. Амгы үеде күрүне-хуу кады ажылдажылганың 26 төлевилели боттаныышкында. Тывада күрүне-хуу кады ажылдажылга институду сайзырап, бодунуң чедимчелиг түңнелдерин көргүзе бергенин ук барымдаа бадыткаан.
Тыва Республиканың өске-даа мурнады боттандырар инвестиция төлевилелдерин боттандырарда күрүне-хуу кады ажылдажылга механизмин ажыглаары планнаттынган.
Тыва Республиканың Экономика яамызы
Возврат к списку
|