REGNUM ИА: Тываның Баштыңы Россияның чаа Чазааның айтырыгларын чугаалаан

«Президентиге эң кол болгаш өзек албан-дужаалдарда С.К. Шойгуну, С.В. Лавровту, А.Г. Силуановту, Т.А. Голикованы арттырганы, эрге-чагырганың турум чоруун хандырганы кылдыр көрүп тур мен” – деп, ол демдеглээн. 

Чазакта чаа кижилер дээрге, күрүне эргелеп-башкарылгазында улуг арга-дуржулгалыг кижилер болур. Чаа команда “экономиктиг өзүлдениң шапкын чорудуу таварыштыр” Россияның хамаатыларының амыдырал байдалын бедидер айтырыгларны шиитпирлээр кылдыр тургустунган деп, ол айыткан. 

Михаил Мишустин баштаан чаа чазактың вице-премьерлерин база сайыттарын томуйлаар дугайында чарлыкка атты Россияның президентизи Владимир Путин чаа-ла салганын сагындыраал. REGNUM ИА дыңнатканы-биле алырга, чаа составче тос чаа министрлер болгаш алды вице-премьерлер кирген. Сергей Кужугетович Шойгунуң катап база соңгутканынга хамаарыштыр Тываның Баштыңы мынчаар чугаалаан. 

«Оларның ам-даа кады ажылдаарын билген мен! Чоргаанчыг болгаш Онза-дыр! Сергей Кужугетович Шойгуга Россияның Камгалал сайыдынга катап база томуйлатканы-биле байыр чедирип тур бис!» – деп, Тываның Баштыңы бодунуң блогунда бижээн.