Тываның Саң-хөө яамызы бюджет ажылдакчыларының шалың төлевириниң дугайында

Тыва Республиканың Чазаа 2019 чылда дараазында шиитпирлерни хүлээп алган: 

– ажылдап шыдаар чурттакчы чоннуң амыдырап-чурттаарының кудуку хемчээли чедир күш-ажыл төлевириниң кудуку хемчээлиниң деңнелин көдүрген – 2019 чылдың январь 1-ден ооң хемчээли 11280 рубль, район коэффициентизи база соңгу чүк немелдези-биле - 21432 рубль;

 – ”чарлыкта” ажылдакчылар бөлүүнүң күш-ажыл төлевирин улгаттырган - шалың төлевири 2018 чылда 31222 рубль турганындан, 33158 рубль чедир өскен;

- чамдык ажылдакчылар бөлүүнүң («чарлыктыындан» аңгыда) албан-дужаалдарын 2019 чылдың октябрь 1-ден 4,3 хуу индексастаан. 

Бюджет чедишпес болганындан, 2019 чылдың бюджединде 11,5 айларның шалың төлевиринге акша-хөреңгини салган. Бюджет адырының ажылдакчыларынга ноябрьның ийиги чартыы дээш шалың төлевирин дуглаары-биле, муниципалдыг тургузуглар бюджеттеринче бюджет акша-хөреңгизин шилчидер ажылдарны амгы үеде чорудуп турар. 

Тываның Баштыңы Шолбан Кара-оол республиканың саң-хөө сайыды Орлан Достайга декабрьның төлевирлерин үе шаанда, долу хемчээли-биле хандырар даалганы онааган.