Шойгунуң Тывага ажыл-албаны: шериг хоорайжыгажын, аът болгаш спорт комплекстерин тутканын хынаан

Сергей Шойгу Тывага ажыл-албан аайы-биле келгеш, 55-ки мотоадыгжы бригаданы хынап көрген. Ол Уралдан бээр чүгле чаңгыс катыжыышкын болур. 

Сайыт чаа шериг хоорайжыгажын кезип, шериг албанныгларга база оларның өг-бүлелеринге дээш туткаш, ажыглалче киирген бирги бажыңны хынаан. Оон аңгыда ийи каът кылдыр туткан беш коттедж база 200 чаштарга уруглар сады база көрген. 

Бажың дериг-херекселдери, эт-сеп-биле дерээш, ханада чуруктар аскан 360 квартиралыг дөрт оран-сава удавас ажыглалга кирер. 

Шериг яамының удуртукчузу аъттыг-спортчу комплексти база дайынчы машиналар парыгын хынаан. Бригаданы «Тигр-М» куяк автомобильдер, «Нона-СВК» боду чоруур чепсек база чүге-даа тура дүшпес «Урал» машиналар-биле чепсеглээн. 

Төп шериг округунуң командылакчызы Александр Лапинниң чугаазы-биле алырга, бо чылдың төнчүзүнге чедир шериг каттыжыышкынын амгы үениң техниказы-биле бүрүн четчелептер. 

Сергей Шойгу Тыва Республиканың Баштыңы Шолбан Кара-оол-биле Кызылда эде чаартып туткан спорт комплекизин база ажытканнар. Сайыт чаарттынган спорт комплекизиниң дожунга бирги хоккей маргылдаазының киржикчилеринге байырны боду чедирген. ЦСКА-ның сылдыстары-биле тыва спортчулар эш-хуу ужуражылганы эрттирген. 

tvzvezda.ru